【娛樂熱話】《Mayanne 小喇叭》｜袁偉豪舉手自認唔襟撈？吳若希揭公審老公真相！

清談節目《Mayanne 小喇叭》由麥美恩（Mayanne）擔任主持，曾展望（GM）擔任助理主持，今晚（4 月 19 日）10 點半，在翡翠台播映最後一集。今晚一集，Mayanne 邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義。

嘉賓鬥數襟撈型男
節目中，阿 Bob 談到願意合照是藝人襟撈其中一個準則時，Mayanne 興奮地大談與碧咸的一次同台經歷。「當時我做 MC，安排緊啲客同碧咸影相，佢就擰轉頭同我講：『Would you like a photo as well？』」隨即引發全場尖叫。」
城城則獲阿 Bob 點名讚合照來者不拒，阿 Bob 又謂願意合照，其實是藝人絕佳公關。「嗰個人搵你影相，係因為佢鍾意你，佢咁同你影第一佢好開心，第二可能放社交平台讚吓你。」阿 Bob 續指農夫亦相當識做，「有時面對一啲新人或業餘主持人，佢哋上台前，會問製作單位位主持叫咩名，上到台就會叫嗰個人個名，個主持人就覺得受尊重。」即場被票選為「襟撈」代表的阿 Bob 及咪咪姐亦大方分享演藝界襟撈的金科玉律。

即場被票選為「襟撈」代表林盛斌（左）及朱咪咪。

改變心態看淡負評
被即場票選為「唔襟撈」代表的吳若希，及舉手自認唔襟撈的 Ben，他們先後獲機會自辯。 Ben 自與太太張寶兒結婚後，飽受不少負評，他直認當初確實介意，但現在已看化。「其實普遍大部分觀眾都唔認識我，同時仲會對我多咗個睇法，自己喺工作上努力咗咁多年會覺得唔抵。為頭家點點點，到頭來都有網民對你有另外睇法。當然嗰個係一個階段，呢刻你問返我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」Ben 說畢，Mayanne 及現場嘉賓即爭相指他放鬆了不少，對此 Ben 笑說：「如果咁都唔鬆，真係唔使再撈喇！」

即場被票選為「不襟撈」代表吳若希（左）同袁偉豪。

頒獎禮舉動的真相
Mayanne 重提吳若希當年在《勁歌金曲》頒獎禮中，當宣布菊梓喬獲得女歌手獎時，如何 overreact 令全場爆尷的往事。「我喺個台度心諗：『吳若希你收斂少少好冇呀？你興奮過得獎嗰個，唔該你坐番低啦！」』吳若希即解畫謂：「因為我好緊張，當刻我心諗我未夠班，千祈唔好頒畀我呀，我攞咗又要畀人鬧喇。」Mayanne 續指當時大會司儀都在台上盤數如何為吳若希打圓場，咪咪姐聞言，即搞笑搭嗲：「點兜啫，做到咁出面！」Mayanne 繼續「針對」若希謂：「我成日懷疑點解佢仲喺呢行，佢成日辣著網民，我同佢影合照放社交平台，啲人會喺我度留言問我點解仲同呢個人做朋友。」並指若希出事原因是經常公審老公，咪咪姐聞言勁驚訝：「呢啲私隱做乜擺上網？」到底自封「小辣椒」的吳若希會點樣回應？

吳若希當年在頒獎禮的表現，令人印象深刻。

林盛斌獲邀演三級片
阿 Bob 的大型花生就是當 Mayanne 問他接 Job 有沒有底線時，他揞名爆曾推掉一部三級片。此言一出，隨即惹起哄動，阿 Bob 更會娓娓道來當時推卻邀約的真相！之後若希追問：「如果搵你，好似黎諾懿要露半個 pat pat 呢？」阿 Bob 竟爽快以五個字答案回應，到底又是甚麼？
另外，阿 Bob 還親述曾親自回應網民負評的往事，最終成功化解戾氣，將嬲到爆粗留言的網民最後變成留言為阿 Bob 打氣。

阿 Bob 話曾經有人搵他拍三級片，震撼到 Mayanne 即刻企起身。